ظاهرة غلاء المهور

وعليكم السلام ورحمة الله وبركاته
يعطيك العافيه دريم يابعدي ع الموضوع الحلو
من جد الحين المهر واصل فووووق هام السحب
ماأطول عليك دريموو
يسلموو ع الموضوع

هــاي

ينفع البنات يشاركوا

المهمـ خلاص قيدي دخلتـ ..

انا برايي ان الاباء صاروا يعتقدوا ان البنت كلما غلا مهرها عظم شأنها عند زوجها ..

هذا واحد من الاسبابـ ..

عشان كذا صاروا شبابنا يتزوجوا من الخارج ... اوفر لهمـ


يعطيكـ العافيه دريمـ ع الموضوع ^_^

بصراحه من جد موضوع مو بس فايف ستار إلا مليار ستار دريم .

أنا نفسي أعرف إيش الفايده من إرتفاع المهر ؟

الحمد لله الذي عافانا مما إبتلاهم بيه و فضلنا على كثير ممن خلق تفضيلا .

في ناس أهلهم يطلبو مهر قريب من المليون و في ناس أهلهم يطلبو ريال أو نص ريال .

بصراحه مررره معيارهم شوكتو مكسورة .

يا مررره فووق يا مررره تحت .

إيشكلو دا ؟؟
ديننا دين الوسطيه و هما مره بعيدين عنها .

و مرره مجحفيين .

يا إنهم يآكلو حق البنت أو يخلوها زي الألماس الواحد يتفرج عليه بس مو الكل يقدر يشتريه .

يفضل معروض على الواجهه حقت المحل بالسنيين و بيها جا أحد و أشتراه و بيها محد جا و أشتراه و حتى إلا يشتريه يستمتع بيه فتره و بعدها تلاقيه يطفش منو أو يفوق وي قول ياربييي أنا شكلي طحت ع راسي علشان كدا أشتريتو و لا في أحد عاقل يشتري ألماس بدا السعر ؟

و علشان أشتراه بغالي ماراح يرضى يبيعو برخيص . فيفضل الألماس في الخزنه محبووس .

صاحبو طفشان منو و الألماس محبووس .

لا دا أستمتع و لا دا أستمتع و تفضل حياتهم كدا .

_______________

واحد من أصحاب أخويا لمن الأستاز سألهم عن غلاء المهور و ماني عارف إيش قال

و الله أدفعلها مية ألف من عنوني بس كل يوم فطوور آخر حلاوة و غدا و عشا و كمان في العصر تسويلو أي شي

و مافي خدامه و ماني عارف إيش .

لمن قالو الأستاز حرام عليك يا إبني .

قالو إيشبك أنا دافع فيها 100 ألف .

_____________

أنا في رأيي إنو البنت هيا إلا راح تروح فيها .

لأنو لو أداها مهر بديكا الحسبه راح يكون مديون و علشان يسدد ديونو لازم يشتغل كتيير و بالتالي لمن يجيها البيت راح يكون منتهي ما فيه حتى يسمع كلمه يا دوب يآكل _هادا إزا أكل _و بعدو لازم يروح ينام علشان عندو دوام في الصبح بدري و كمان عندو دوام العصر .

ما تقدر تهرج معاه ,,تسهر معاه ,, تخرج معاه.

ما تقدر تشتري شي شافتو في السوق و عجبها لأنو لازم تحاسب مافيه فلووس .

أوو أشياء كتيير .

و بعدين حيكون طول الوقت جوزها مهموم و زعلان و ضارب البووز .

و دايمن بالو مشغول كيف بدو يسدد الديون دي .

و ممكن مع الوقت يكرهها . و ممكن كمان يعزبها لأنها هيا السبب في عزابو و ممكن أشياء كتييير .

أحسن شي التوسط .

لا يطلبو مهر مررره كتييير و لا يطلبو مهر مررره قليل .

و أحسن شي يخلوه هو و زوقو و نظرو كمان .

و يقولولو إلا تجيبوه .

و ربي يزوج كل العزابيه و العزوبيات و يخلهم يعيشو في تبات و نبات و يخلفو صبيان و بنات ...